යුගයෙන් යුගයේ ඔබ දුටුවා

යුගයෙන් යුගයේ ඔබ දුටුවා
සසරේ තීර්ථ යාත්‍රාවේ
වෙරළින් වෙරළේ ඔබ දුටුවා
සසරේ තීර්ථ යාත්‍රාවේ

සීතල කඩු තුඩු ඇනෙන රැයේ
උණුසුම සලසන ග්‍රීෂ්මයක් විය
පවසින් වැලපෙත කරදියරේ
පිපුරුනු දෙතොලට වර්ෂාවක් විය

සුන්බුන් වූ විට සැඩ සුළඟේ
දියපිට ඉන්නට දැව යහනක් විය
වල්මත් වූ විට දිවි දියඹේ
ගොඩබිම පෙන්වන තරු ලකුණක් විය
අසන්න

පද: සුනිල් ආරියරත්න
නාද සිත්තම්: ස්ටැන්ලි පීරිස්
ගැයුම: නන්දා මාලිනී

කඳු පාර ඈත අයිනේ

කඳු පාර ඈත අයිනේ
සඳ රෑ ක ඈ සිනා සේ
වේදනා සිතාරයේ
ඒ ගීත රාවේ ඇසේවා
ජීවිතේ පුරා

යාළු වී දෙවටේ එදා
කී කතා අසා
පාලු වී හැඬුවා සදා
මාරුතේ පවා

ගං ඉමේ මාදං කැලේ
පාසැලේ පුරා
මා සොයා ආවා වගේ
වෙන් වෙලා ගියා

අසන්න

ගැයුම: මිල්ටන් මල්ලවාරච්චි

ලඳු ඕවිටි කළල් මතින්

ලඳු ඕවිටි කළල් මතින් සුසුම් ගඟක් ගලනවා
බාධක ගිරි ශිකර මැදින් කුස ගින්දර දිවෙනවා
අළුත් පාර හැදෙනවා

හිරු පායා අපේ හිසට සෙවන ගෙනෙනවා
පොළොව දැවී අපේ පයට සිහිල සදනවා
දූවිලි මඳ පවන් හමා ගිමන් නිවනවා
දෑතේ කරගැට දෙතොලට පවන් සලනවා

අපේ ශ්‍රමය කළුගල් වී බිම වැතිරෙනවා
රන් දහඩිය තාර වෙලා උඩින් ගලනා
මැති උතුමන් නමින් පාරෙ කඩුලු ඇරෙනවා
පාර අයිනෙ අපි හැම දා බලා ඉන්නවා

අසන්න
පද:කුමාරදාස සපුතන්ත්‍රී
නාද සිත්තම්: රෝහණ වීරසිංහ
ගැයුම: එඩ්වඩ් ජයකොඩි

මංකඩ ලඟ හැන්දෑවේ

මංකඩ ලඟ හැන්දෑවේ දියබුං හඬ නඟනා
දංගොල්ලේ පන්කොටුවට යාන්තමින් පෙනෙනා
බිම්කළුවේ හෙවනැල්ලට හීන්සැරේ මැකෙනා
මං දන්නා කුමාරයෙක් මංකඩ ලඟ උන්නා

තුංතුඹ මල් පෙති පොරවා නින්දට සැරසෙන්නා
රන්ඩුවෙවී මලිති බටිති ලන්දේ සැඟවෙන්නා
හීං හුළඟ මා තනිකර කන්දට දිවයන්නා
ගංඉවුරෙන් සීපදයක් මගෙ තනියට එන්නා

රන්පාටින් ආකාසේ මගෙ සිතිවිලි අඳිනා
හීං හිනා පොදවැස්සේ මගේ ලොවම තෙමනා
යාන් ඇලේ ඒදණ්ඩෙන් මා එගොඩට කරනා
මං දන්නා කුමාරයෙක් මංකඩ ලඟ උන්නා

ඔබ සවනට

පද:කරුණාදාස සූරිආරච්චි
නාද සිත්තම්:කලණි පෙරේරා
ගැයුම:ඉන්ද්‍රාණි බෝගොඩ

යොවුන් ප්‍රේමය රාගයේ ගිණිදැල් වලින් හළු වී යන අබුද්දස්ස කාලයේ, මිහිරි චිත්ත රූප මවන අතීතයේ ගැමි යොවුන් ප්‍රේමයක්..හිරු අවරට යන යාමයේ කෙත් යාය කෙළවර නිසල බව බිඳිමින් ගලන දිය මංකඩ අද්දරින් හේනේ පැළට පියමං වන තම සිහින කුමරා ගැන නැඟෙන විසිතුරු සිතුවිලි සිතුවමක්..